STREIK!
100 JOER FRÄI GEWERKSCHAFTEN ZU LËTZEBUERG
100 JOER FRÄI GEWERKSCHAFTEN ZU LËTZEBUERG (1916-2016).
En Documentaire vum Andy Bausch
.
De Film Streik! dokumentéiert a weist, unhand vu beweegte Biller, Fotoen, Aarbechterlidder, Zäitdokumenter an Interviewen, op eng mënschlech beréierend, lieweg a spannend Art a Weis d’sozial Konflikter an d’Entwécklung vun der fräier Gewerkschaftsbewegung zu Lëtzebuerg vun hiren Ufänk bis haut. All déi sozial Rechter, déi eis haut selbstverständlech schéngen, hu mer net vun uewen erof geschenkt kritt - si hu missten erkämpft ginn: Streik! ass e Film iwwert 100 Joer fräi Gewerkschaften (1916-2016) an domat och iwwert ee Jorhonnert Lëtzebuerger Sozialgeschicht vun ënnen.
